Unha tenda de campaña, un feixe de mantas en círculo ao redor e unha noite clara (ou con nubes, vaia, que estamos en Galicia) e, en cada manta, acomodado, un núcleo familiar, con sitio especial para a rapazada de 5 a 10 anos.

Unha sesión de contos que gozará da intensidade e a emoción de partillar á intemperie historias traídas da tradición oral galega. Por esa acampada concentrada en 60 minutos de duración pasarán lobishomes e meigas, monstros, casas encantadas, a Santa Compaña e todas cantas lendas medran
na nosa terra. Combatiremos o medo con risa, seguramente apretarémonos dentro da manta, viviremos sensacións a través de obxectos e de sons, aprenderemos a protexernos, a deixarnos levar, e pode que incluso berremos!

E como o medo é libre, seremos libres todo o que dure a sesión.Un momento, un momento… Pero, e se fose en outono ou en inverno?

Faremos bosques do interior de edificios. Acubillarémonos ao quente, así fóra chova ou vente.

As historias fanse igual, porque claro, as historias son para a xente valente.