Pola mañá para o alumnado do instituto, que estivo moi atento a unha conversa que abría distintos puntos de vista sobre a realidade migratoria.
Coa presenza de Levit, que vive dende hai uns meses en Culleredo e chega de Colombia.
Con Noelia, traballadora do Servizos Sociais.
Con Liliana e María, mediadoras interculturais da Ong Mestura.
E cos poemas de Yamini Teresa Prabhu e as historias de Soledad Felloza.
Foi hora e media moi intensa que agardamos que se expanda no tempo e nos círculos afectivos do alumnado que con tanta atención escoitou dende as butacas do auditorio.
Pola tarde, xa coas cámaras presentes, para deixar pegada desa memoria emocional migrante e desa semente de conversa social para toda a comunidade, contamos con David, figura moi importante especialmente nos colectivos migrantes de Culleredo. Chegou hai máis de trinta anos dende República Dominicana.
Estivo Sandra, dende os Servizos Sociais.
Volveron Liliana e María, de Mestura.
Escoitamos novas historias de Soledad.
E contamos coa presenza das intérpretes en lingua de signos: Chusa e Paula.
O noso máis fondo agradecemento a Cultura e a Benestar Social, a todas as persoas que formaron parte das entrevistas individuais previas, a aquelas que viron que este diálogo era necesario e se animaron a impulsalo ou a formar parte del. Grazas a quen puxo a escoita.
Cultura da Deputación da Coruña
