No festival de narración oral #DeCoboAXunco non podía gañar nin un nin o outro, porque o que gañou foi o orgullo e o sentimento: da xente polo seu territorio, a súa paisaxe e o lugar ao que pertencen.
Esta batalla dialéctica na que competimos con narración oral e regueifa, finalmente (e polo mesmo) máis que batalla foi unha festa!
Grazas xigantes ao equipo que encarnou esta fantasía:
Narración oral e embaixadas: Caxoto e Carmen Conde.
Regueifa e ríos: Lupe Blanco e Alba María.
Produción e iluminación: Diego Gallego.
Auxiliar de produción: David Taboada.
Vídeo: Víctor Grande.
Son: Ezequiel Orol.
Fotografía: Iván Mouronte.
Grazas ao público que co seu voto decidiu que non hai un río mellor que outro!! Por asistir, pola escoita, por ser parte!!
Grazas ao CONCELLO DE CERVO // AYUNTAMIENTO DE CERVO por apostar pola narración oral deste xeito.
Ás asociacións veciñais, culturais e de mulleres que conforman o tecido asociativo, que nos abriron as súas portas e que tan ben coidaron de nós!
E ás narradoras e narradores que ata desembocar na gala final, a Ría, (igual que fan o Covo e o Xunco) foron percorrendo as parroquias con tantísima beleza.
Porque cando os ríos soan, contos levan!
